Saga Bills

Í dag vendum við kvæði okkar í kross og breytum aðeins út af vananum. Í stað þess að fá gest inn þessa vikuna ætlum við að prufa upplestur. Einn af oss les helming af fyrsta kafla AA bókarinnar sem heitir Saga Bills. Verðbréfamiðlarinn Bill er einn af stofnendum AA. Hann barðist í fyrri heimstyrjöldinni. Bill fer yfir á áhfrifaríkan hátt hvernig áfengið gjörsamlega yfirtók líf hans. Lýsing hans á líkamlegum og andlegum áhrifum áfengis er mögnuð og lýsir sjúkdómnum á afar kraftmikinn hátt Bill var einn af oss 🙏 Guð gefi mér æðruleysi, til að sætta mig við það sem ég fæ ekki breytt,kjark til að breyta því sem ég get breytt, og vit til að greina þar á milli 🙏

Om Podcasten

Hugsunin á bak við þetta hlaðvarp ( Podcast ) er að ræða alkóhólismann og öllum þeim ólíku vinklum sem honum tengist. Sjálfur er ég alkóhólisti sem tók minn síðasta drykk árið 2009. Ég er alls ekki sérfræðingur um sjúkdóminn en ég þekki af eigin reynslu hversu öflugur og lævís þessi sjúkdómur er. Af þessari reynslu hef ég lært að þekkja muninn á góðum bata og slæmum bata. Í þessum þáttum sest ég niður með sjálfum mér og öðrum, spjalla um sjúkdóminn og allt það sem honum fylgir. Stóra markmiðið er að aðrir alkóhólistar/fíklar og aðstandendur finni hér einhverja tengingu sem gæti hjálpað.