Hringborðið - Haukur & Pálmi

Nýr þáttur nýr vinkill. Ég fékk til mín góðkunninga þáttarins og við settumst niður við svokallað hringborð. Hringborðið er hugsað þannig að fleiri en tveir komi saman til þess að ræða alkóhólismann. Tilgangurinn er að fá inn umræður og þannig fengið ákveðna dýpt í málefni sem upp eru sett hverju sinni. Þeir Haukur Einarsson og Pálmi Fannar Smárason eru hálfgerðir Guðfeður Skrauts Bakkusar því þeir hafa á bak við tjöldin hjálpað mér mjög mikið með þáttinn. Sjálfir hafa þeir sest hjá mér sem gestir og farið yfir sína sögu. Við förum yfir margt á hringborðinu að þessu sinni eins og það að sætta sig að geta ekki drukkið sér að skaðlausu og svo fórum við aðeins inn í þakklæti sem eykst bara með batanum. Ég fékk persónulega mikið út úr þessum þætti og vona að þið sem hlustið finnið það líka 🙏Guð gefi mér æðruleysi, til að sætta mig við það sem ég fæ ekki breytt,kjark til að breyta því sem ég get breytt, og vit til að greina þar á milli 🙏

Om Podcasten

Hugsunin á bak við þetta hlaðvarp ( Podcast ) er að ræða alkóhólismann og öllum þeim ólíku vinklum sem honum tengist. Sjálfur er ég alkóhólisti sem tók minn síðasta drykk árið 2009. Ég er alls ekki sérfræðingur um sjúkdóminn en ég þekki af eigin reynslu hversu öflugur og lævís þessi sjúkdómur er. Af þessari reynslu hef ég lært að þekkja muninn á góðum bata og slæmum bata. Í þessum þáttum sest ég niður með sjálfum mér og öðrum, spjalla um sjúkdóminn og allt það sem honum fylgir. Stóra markmiðið er að aðrir alkóhólistar/fíklar og aðstandendur finni hér einhverja tengingu sem gæti hjálpað.