ABDOEL SE AMG-PERDE deur Haidee Muller

Hy het talle pryse by landbouskoue gekry, vertel Abdoel Absolom van Kalksteenfontien. Haidee Muller het meer gaan uitvind van Abdoel se skouperde, wat hy in die perdestalle huisves by Freedom Farm in Belhar. Abdoel verwys na hulle as AMG-Mercedes perde. Drie seuns vertel ook hoe die wêreld van perde vir hulle nuwe betekenis aan die lewe gee. Al woon hulle in plakkerskampe en het hulle min, is hierdie ponies hulle trots. Sielkundige Quinton Adams praat ook oor perde en hulle terapeutiese waarde.